LIGJET E BIZNESIT
Gramoz Mema u ekzekutua me 7 plumba mbrëmjen e shkuar në Ksamil. Viktima, 40 vjeç, ishte duke shkuar për në shtëpi ku jetonte me nënën, në momentin kur atentatorët i kanë zënë pritën.
Atentatori/ët dyshohet se janë ndihmuar edhe nga persona të tjerë të cilët e kanë ndjekur viktimën. Sipas kamerave të sigurisë, të cilat janë sekuestruar nga grupi hetimor. Një automjet ka qënë në afërsi të banesës së viktimës për disa orë. Automjeti ka tentuar të iki por sapo ka parë në fund të rrugës makinën e viktimës është kthyer më indietro.
Ka parkuar dhe ka pritur të zbresë viktima. I është afruar dhe në derën e shtëpisë së tij i ka zbrazur një karrikator pistolete. Viktima jetonte mes Tiranës dhe Sarandës. Ndërkohë që dyshimet e para lidhen me të shkuarën e Viktimës. Policia përjashton mundësinë e konfliktit banal.
Fqinjët e Gramoz Memës kanë treguar se kanë marrë vesh lajmin për vrasjen e tij, pasi kanë dëgjuar ulërimat dhe të bërtiturat e të ëmës. Në një prononcim jashtë kamerave, fqinjët janë shprehur se Mema ishte një person i qetë, nuk ishte martuar dhe jetonte me nënën e tij, mes Ksamilit dhe Tiranës.
“Gramoz Mema nuk ishte i martuar. Jetonte me nënën e tij. E ëma ishte në shtëpi kur ndodhi vrasja. Nuk dëgjuam të shtëna, dëgjuam vetëm ulërimat dhe të bërtiturat e nënës së tij. Jetonte me nënën e tij, në Ksamil e Tiranë,”- tregojnë ata ndër të tjera. Nga ana tjetër është mësuar se Mema është qëlluar me shtatë plumba.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
