Rrënqethëse/ Me 4 makina funerali, përcillet për në banesën e fundit familja Gushi që u shua në aksident (VIDEO)

Sot i është dhënë lamtumira e fundit 4 anëtarëve të familjes Gushi, të cilët humbën jetën në mënyrë tragjike pas një aksidenti rrugor në aksin Fier-Vlorë.

Në pamjet e rënda shihen makinat e funeralit, me arkëmortet e çiftit Gushi dhe dy vajzat e tyre të mitura, të cilët do të nisen drejt varrezave të Patosit, ku do të prehen trupat e tyre.

Në ceremoni morën pjesë dhe familjarët e viktimave, miq e të afërm, ku shumica prej tyre udhëtuan që dje nga Greqia drejt Patosit pasi morën lajmin e hidhur.

Eduart Gushit, 44 vjeç, gruas së tij, Silvana Gushi, 33 vjeçe, dhe dy vajzave të tyre të mitura, Anastasia dhe Eva iu dha lamtumira e fundit nga familjarët mes dhimbjeve dhe lotëve.

Ngjarja e rëndë që trondit mbarë opinionin publik ndodhi në autostradë, ku thuhet se një mjet tip Audi, ku udhëtonin 3 të rinj, ka goditur mjetin e viktimave nga pas, ndërsa dyshohet se ishte me shpejtësi të lartë. Të plagosur mbetën edhe 3 të rinjtë, të cilët janë jashtë rrezikut për jetën, ndërsa familja Gushi, e cila jetonte prej vitesh në Greqi, u shua e gjitha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern