Qytetari falenderon policinë pasi i hoqën patentën dhe e gjobitën me 300 euro (VIDEO)

Jo shpeshherë kemi dëgjuar që drejtuesit e mjeteve të falenderojnë efektivët e policisë kur këta të fundit i gjobisin apo u heqin edhe patentën, mirëpo një rast i tillë ka ardhur nga Kosova.

Një qytetar ka publikuar në rrjete sociale një video ku falenderon Policinë atje, pasi i kanë hequr patentën dhe e kanë gjobitur me 300 euro, për shkak se kishte kaluar shpejtësinë e lejuar.

Sipas tij, policia e ka ndihmuar të ndërgjegjësohet, teksa bën thirrje që shoferët të bëjnë kujdes kur drejtojnë mjetet, pasi aksidentet mund të jenë fatale dhe të marrin jetë njerëzish.

“Falenderim special për Policinë e Kosovës. Ju faleminderit që më gjobotët me 300 euro për shkak shpejtësie. Ju faleminderit që më hoqët patentën për 3 muaj, shkaku i shpejtësisë. Ju faleminderit që më hoqët 3 pikë në patentë, shkaku i shpejtësisë. Kjo është një vetëndërgjegjësim për mua dhe për shoferët. Ju lutem mos vozisni me shpejtësi të panevojshem dhe kini kujdes sepse shkaku i shpejtësisë së pakontrolluar po ndodhin aksidente, siç ekmi rastin në Shqiëpri, në Vlorë, ku u shua një familje. Është vetëm një mesazh: Ju lutem kini kujdes. Faleminderit polici dhe mos toleroni askënd. Ky është nje mesazh falenderimi për Policinë e Kosovës, për njësitin e trafikut. Ju faleminderit shumë që më mbushët mendjen”, thotë qytetari.