LIGJET E BIZNESIT
Kryeministri Edi Rama ka zhvilluar një intervistë me Richard Grenell, ish-të dërguarin e presidentit të SHBA Donald Trump për dialogun Kosovë-Serbi.
Aty ai ka folur për vendime negative të Bashkimin Europian për Konferencën e Parë Ndërqeveritare si dhe për vendimin e DASH për të shpallur “non-grata” ish-kryeministrin Sali Berisha.
Në lidhje me këtë temë, Rama foli për herë të parë, pasi në Shqipëri më herët ai rKefuzoi të jepte mendim.
Kryeministri i tha Grenell gjatë bashkëbisedimit, se nga njëra anë është trishtuar për këtë vendim, duke e ditur realitetin, por nga ana tjetër ai e quan këtë një sinjal të vazhdimit të përpjekjeve të qeverive amerikane për të çuar para reformën në drejtësi në Shqipëri.
“Do të thoja që nga njëra anë kjo është shumë e trishtë, pra të shohësh këtë realitet që ne e njohim shumë mirë, por nga ana tjetër ky është një sinjal i qartë i përpjekjeve të vazhdueshme të qëverive amerikane, qoftë asaj ku bëje pjesë ti, qofte dhe kësaj aktuale, për të shtyrë përpara reformën e drejtësisë dhe transformin e sistemit të drejtësisë në Shqipëri është një pikë pa kthim. Për mua personalisht ky njoftim ishte paksa treguesi i fundit të një tranzicioni dhe fund i nocionit të pandëshkueshmërisë. Pra askush nuk është mbi ligjin”, tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për sa i përket vendimit negativ për mbajtjen e Konferencës së Parë Ndërqevertare me BE-në, Rama kritikoi BE-në që s’po merr vendimin pro Shqipërisë dhe Maqedonisë së Veriut.
“BE-ja ka dhënë vlerësimin dhe premtimin që Shqipëria dhe Maqedonia e Veriut të anëtarësohen në BE. Në anën tjetër s’ka vendim sepse BE-ja është e bazuar në vendim-marrjen e të gjitha shteteve dhe pastaj kur një shtet s’pajtohet gjithçka ndalohet”, u shpreh Rama.
Më tej, ai falenderoi ish-emisarin Grenell për kontributin e tij në iniciativën e mini-Shengenit.
“Së pari, më duhet ta përsëris që ju s’jeni më në rolin e kontribuesit të iniciativës së mini-shengenit për të cilin ju falenderoj për rolin tuaj. Në anën tjetër është një konflikt i pazgjidhur shkaku i mosnjohjes së Kosovës nga Serbia. Por është e mundshme që të zhvillohet jetesa pa barriera mes njerëzve dhe mallrave”, tha Rama.
