“Më kanë kërcënuar me jetë” Shqetësohet deputeti shqiptar: Dorëzova kallëzimin në polici

Ditën e sotme deputeti i pavarur Ligoraq Karamelo ka denoncuar se është kërcënuar dhe shantazhuar në rrjetet sociale.

Ai tha për mediat se ka dorëzuar në komisariatin e Korçës kallëzimin për shpifje, kërcënime dhe shantazhe.

“Sapo kam dorëzuar një kallëzim në komisariatin e Korcës për shpifje, kërcënime shantazhet që më kanë bërë pas daljeve publike para 1 jave në Korcë, OSBE organizoi një takim për pakicat kombëtare dhe roli i media së shkruar gjithashtu dhe pas një emisioni në një nga tv shqiptare, ku u diskutuan problematikat e një shkrimi të botuar në një gazetë greke.

Natyrisht që Korca nuk mund të pranojë këtë lloj gjuhe, Korca ka dëshmuar qytetari, mirkuptim, bashkjetesë, këto janë sjellje të papranueshme që cënojnë jo vetëm bashkëjetesën, po prishin harmoninë që Korca ka. Kërcënimet kanë qenë të ndryshme, shumica janë te panjohura, është detyrë e prokurorisë ti zbulojë.

Jam kërcënuar nëpërmjet rrjeteve sociale gjithashtu kërcënime kam patur edhe në YouTube aty ku kam qënë i ftuar për të diskutuar, këto janë të ulta, kërcënimet lidhen me daljet e mija. Kërcënimet janë me jetë, kërcënohet familja ime, bashkjetesa të komunitetit që unë përfaqësoj”, ka thënë deputeti.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern