Me ‘Audi ‘ 80 mijë euro/ Mori jetën e 4 anëtarëve të familjes, kjo është makina luksoze me të cilën udhëtonin të rinjtë

Mjeti tip “Audi A8” me targa AA 107 XX që shikoni në foto, është ai që goditi nga pas makinën tjetër “Toyota” me të cilën udhëtonte familja me katër anëtarë që u shua sot në aksin Fier-Vlorë.

Çmimi i mjetit arrin rreth 80 mijë euro dhe po drejtohej nga një 22-vjeçar, i cili po udhëtonte në drejtim të jugut.

Shoferi është identifikuar si shtetasi Igli Madani.

Ky i fundit mësohet se po i jepte makinës me shpejtësi mbi 150 km në orë.

Së bashkë me të udhëtonin Fabio Lamaj dhe Glori Selimi, të tre jashtë rrezikut për jetën.

Kujtojmë që nga aksidenti tragjik u shua një familje.

Policia njoftoi se shtetasit: Eduart Gushi, 44 vjeç., Silvana Gushi 33 vjeçe, A. Gushi, 14 vjeçe dhe E. Gushi, 9 vjeçe, humbën jetën si pasojë e aksidentit.

Aksidenti tragjik ndodhi rreth orës 08:23 të mëngjesit të sotëm, në vendin e quajtur “Kripa”.

Si pasojë e përplasjes së fortë dy makinat kanë dalë nga rruga.

Mjeti “Toyota” me të cilën udhëtonte familja me katër anëtarë është shkatërruar plotësisht.

Ndërkohë që “Audi” është spostuar disa metra në anë të rrugës duke thyer edhe një shtyllë nga përplasja e fuqishme.