E konfirmon ministrja/ Maturantët protestuan për vështirësinë e testit, dalin përgjigjet e provimit të matematikës

Ditën e sotme kanë dalë përgjigjet e provimit të Matematikës për maturantët.

Pas protestave të shumta, ministrja e Arsimit Evis Kushi ka njoftuar se janë marrë në konsideratë shqetësimet e nxënësve dhe prindërve të tyre për nivelin e vështirësisë në test.

Gjithashtu sipas saj është bërë dhe ulja e kufirit minimal të kalueshmërisë dhe të pikëve për çdo notë.

“Sipas angazhimit tonë, ne analizuam me shumë kujdes çdo shqetësim tuajin dhe të mësuesve mbi testin e matematikës në Maturën Shtetërore dhe pas vlerësimit të të gjitha testeve, duke marrë në konsideratë vështirësitë e këtij viti shkollor, me vendim unanim të Komitetit të Maturës Shtetërore, kemi vendosur uljen e kufirit minimal të kalueshmërisë dhe atë të pikëve për çdo notë. Shumë suksese në sezonin e vjeshtës atyre që nuk ia dolën dot të jenë kalues dhe urimet më të përzemërta të gjithë të tjerëve, sidomos 1,820 nxënësve nga e gjithë Shqipëria që kanë marrë notën 10.”