Itali/ Vdes tragjikisht në shtëpi 60-vjeçari shqiptar, çfarë i ndodhi?

Një shqiptar ka humbur jetën tragjikisht në Savignano të Italisë, pasi ra në kontakt me energjinë elektrike.

Mediat në shtetin fqinj shkruajnë se viktima është 60-vjeçari Zaim Qoshja, i cili po rregullonte një zgjatues në shtëpinë e tij, kur dyshohet se e zuri korrenti.

Pavarësisht ndërhyrjes së menjëhershme të shërbimeve të emergjencës, 60-vjeçari nuk mundi të mbijetonte.

Qoshja kishte emigruar në drejtim të Italisë në vitin 1998 dhe kishte punuar si murator. Ai ishte baba i dy fëmijëve, një djali dhe një vajze.