Zgjedhjet e 25 prillit/ KAS hap kutitë e para në Berat, ja çfarë pritet

Nis mbledhja e KAS për të shqyrtuar kërkesat ankimore të LSI dhe PD në lidhje me rezultatin e zgjedhjeve të 25 prillit në qarkun Berat.

Ishte KAS që vendosi për të hapur kutitë me materialet zgjedhore.

Për hapjen e 24 kutive janë ngritur 6 grupe numërimi.

KAS vendosi të administrojë si provë materialet dhe dokumentacionin në kutitë e materialeve zgjedhore për 24 qendra votimi në qarkun e Beratit që ndodhet në kutitë e materialeve zgjedhore për QV 3446, QV 3431, QV 3445, QV 3318, QV 3275, QV 3270, QV 3287, QV 3307, QV 3472, QV 3473, QV 3482, QV 3325, QV 3456, QV 3440, QV 3330, QV 3220, QV 3433, QV 3328, QV 3429/1, QV 3518, QV 351, QV 3501, QV 3416, në Zonën Zgjedhore Qarku Berat.

Ndërkohë KAS ka hedhur poshtë kërkesën e PD-AN për marrjen e informacioneve dhe provave shtesë, por ka pranuar të marrë si provë kërkesa e PD-AN për të dhënat e kryqëzuara nga pajisja e identifikimit elektronik të zgjedhësve, ku PD-AN pretendon se ka pasur votim të dyfishtë apo familjar.