Thellohet bilanci/ Aksidenti tragjik në Milot, polumbarët gjejnë dhe viktimën e tretë në kanalin me ujë (EMRI)

Orët e para të mëngjesit të sotëm një aksident i rëndë ndodhi në rrugën Milot-Mamurras.

Ndërkohë është identifikuar dhe personi i tretë që ka humbur jeten, teksa mjeti me të cilin udhëtonte bashkë me dy të tjerë, përfundoi në një kanal me ujë.

Më herët polumbarët u futën në kanal ku mjeti tip “Toyota” i nisur nga Tirana ra brenda dhe nxorën trupat e pajetë të Urim Pepës 39-vjeç, banues në Tiranë dhe Saber Dungës 45 vjeç, banues në Durrës. Këta shtetas, bashkë me Nikoll (Dritan) Gjonin po udhëtonin drejt Fushë Krujës.

Ende nuk dihet shkaku i aksidentit tragjik.

Pas gjetjes së trupave të Pepës dhe Dungës, policia njoftoi se kërkimet do të vijonin pasi kishte dyshime se me dy viktimat udhëtonte dhe një person i tretë.

Pak minuta më parë, polumbarët kanë arritur të nxjerrin nga kanali me ujë dhe trupin e pajetë të pasagjerit tjetër në makinë. Mjeti i nisur nga Tirana ka çarë bordurat metalike të rrugës dhe ka përfunduar në kanalin me ujë. Për pasojë, të tre personat kanë ndërruar jetë në vendngjarje.