Të pathënat e divorcit të Bill Gates/ Dalin detajet, kjo është lëvizja e fortë që Melinda bëri 2 vite më parë

Prej ditësh tashmë në mbarë botën një nga temat më të përfolura është divorci i bujshëm i Bill Gates dhe bashkëshortes së tij Melinda.

Me daljen e detajeve të reja ditë pas dite, mësohet se procesi kishte nisur prej dy vitesh.

Melinda Gates nisi të këshillohej me avokatët për divorcin, kur takimet e e Bill me Jeffrey Epstein u bënë publike në tetor 2019, pas arrestimit të financierit për abuzime seksuale ndaj minorenëve.

Kështu ka thënë një burim i afërt me familjen për “Ëall Street Journal”. Duket se çështja e Epstein ishte nisja e krisjes. Sipas ‘Daily Beast’, Melinda e angazhuar për promovimin e të drejtave të grave disa vite më parë ishte zemëruar për takimin e bashkëshortit të saj me Epstein.

Në atë periudhë ajo i kishte thënë disa miqve të saj se nuk donte të kishte asnjë lidhje me Jeffrey Epstein, i cili të që në atë kohë akuzohej për dhunë seksuale ndaj minorenëve. Por Bill Gates vijonte ta takonte.

Ndarja e pasurisë së Gates është e qartë, nga 130 miliardë dollarët pasuri, 2,4 i janë transferuar ish-bashkëshortes. Për herë të parë, çifti u takua në vitin 1980, kur Melinda iu bashkua Microsoftit. Çifti i miliarderëve janë prindër të tre fëmijëve, Jennifer, Phoebe dhe Rory.