LIGJET E BIZNESIT
Personi që shihni në foton e mëposhtme është Bledar Birçaj.
Ai u ekzekutua sot në qytetin e Vlorës me armë zjarri pak pas mesditës.
Drejt mjetit tip “BMW X5” me të cilën 40 vjeçari lëvizte në zonën e njohur si “Bishti i Kalldrëmit” u qëllua me breshëri kallashnikovi nga një tjetër makinë në ecje.
Birçaj ishte biznesmen me emër pasi kishte në pronësi një lokal të njohur në Lungomare që quhej “The Boss”.
Ai u dërgua me urgjencë në spitalin e qytetit por fatkeqësisht nuk ka mundur të mbijetojë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Bëhet me dije se një nga pistat që po heton policia është se ai së fundmi ka pasur një konflikt me një person. Gjithashtu në 2011 ka qenë i akuzuar për vrasje dhe ka qëndruar në burg për 40 ditë dhe më pas është lënë i lirë.
Por ka dyshime edhe mbi aktivitet që ai ka pasur jashtë, pasi prej disa vitesh ka jetuar në Belgjikë dhe më pas në Spanjë, ku nga ky i fundit është kthyer rreth një muaj më parë.
Mësohet se në polici deri më tani janë shoqëruar 10 persona të cilët kanë qenë dëshmitarë të ngjarjes, por që asnjëri nga ata nuk akuzohet si autor.
Policia dyshon se autorët janë larguar nga fshatrat e Vlorës dhe se dyshohet se kanë qenë dy persona.
