“Ore di gjë a do na lenë sivjet?” Artan Hoxha nxjerr prapaskenat, tregon pyetjen që i bëjnë gjithmonë: Duhet të kesh garanci

Gazetari i njohur investigativ Artan Hoxha ka deklaruar se njerëzit që e kultivojnë kanabisin e kanë kthyer këtë proces në një biznes të mirëfilltë.

Sipas tij, këtë vit ata kanë një shqetësim, që do ti lejojnë apo jo ta mbjellin përsëri.

“Në vit zgjedhjesh ka një tentativë për të shtuar kultivimin e kanabisit. Policia është e angazhuar në të tjera ngjarje. S’ka kohë të kontrollojë terrenin.

Tani po shikojmë që pothuajse cdo ditë ke raste të kultivuesve që kapen në Mat, Mamurras, Kruje, Elbasan, Librazhd etj.

Njerëzit që e kultivojnë këtë bimë e kanë kthyer tashmë në biznes. Ai që është marrë me kanabis nuk kultivon dot domate, marzhi i fitimit është i ndryshëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mendojnë se do bëhen të pasur, por krijon probleme të mëdha, që shkojnë deri te vrasjet.

Më pyesin: Ore di gjë do na lënë sivjet? Kjo ishte pyetja kryesore që më bënin këta në jug të vendit. Pra që të mbjellësh sasi të mëdha duhet të kesh garanci. Ka pozicione në territor që mund të tregohet një lloj tolerance, ka individë, por ka dhe zona ku s’ka punë dhe të ardhura. Kjo lejohet deri sa nuk bën zhurmë”, u shpreh gazetari Hoxha.