LIGJET E BIZNESIT
Deputeti i ardhshëm i Kuvendit të Shqipërisë, i pari në listën e Partisë Demokratike në Shkodër, Helidon Bushati ka kërcënuar dhe ofenduar gazetarin e Report Tv, Ergys Kavajën.
Ky i fundit e ka denoncuar publikisht në rrjete sociale, ku thotë se në mesditë ka marrë një telefonatë nga Helidon Bushati, i cili e ka kërcënuar dhe fyer atë dhe familjen e tij.
Gazetari Ergys Kavaja, thotë se ky reagim i drejtuesit politik të PD-së në Shkodër, ka ardhur për faktin e dy shkrimeve të gazetarit, i cili analizonte votat që mori Partia Demokratike, që kërkonte 7 mandate, por mori aq sa në vitin 2017 dhe humbi shumicën edhe në bastionin e tyre.
Pas denoncimit publik, Helidon Bushati i ka kërkuar ndjesë publike gazetarit të Report Tv. Bushati pranon faktin se ka përdorur një gjuhë jo etike ndaj gazetarit teksa justifikohet me argumentin se u përfshi emocionalisht.
“Në formimin tim dhe në edukaten time qytetare që rrjedh nder breza, nuk ka vend per fyerje dhe presione. Ndaj askujt. Jam dhe do te jem Helidoni që të gjithë më njohin. Fatkeqësisht, ndodh të jem edhe unë njeri gjaku dhe mishi. Njeri i emocioneve, sidomos kur luftoj dhe e dua të miren. E aq më teper, kur kjo e mirë tenton të sfumohet në dëm të Shkodres. Në dëm të këtij qyteti që duhet të fitojë mbi të keqen.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
U perfshiva emocionalisht në një situatë të tillë me gazetarin Ergys Kavaja, të tejkalimit të caqeve dhe të thyrjes së etikes. Prandaj, dua te jem i njëjti Helidon që të gjithë më njohin, dhe ndjesa ime eshte e sinqertë. Kam qene dhe do të mbes gjithmone miku i të gjitheve, dhe i gazetarëve. Kërkoj ndjesë dhe mirëkuptim. Në çdo moment, perballë kujtdo, le të jete e mira që e mund të keqen”, shkruan Bushati.
