LIGJET E BIZNESIT
Një skandal i vërtetë është shënuar në Aeroportin Medan, Indonezi. Punonjësit e kompanisë lanin tamponët e përdorur dhe i përdornin sërish për të testuar pasagjerët. Pesë punonjës të një kompanie të njohur farmaceutike u arrestuan me këtë akuzë dhe sipas policisë rreth 9 mijë njerëz mund t’ju jenë nënshtruar kontrolleve me këto lloje tamponësh.
BBC shkruan se kompania shtetërore Tani Kimia Farma, rrezikon një proces gjyqësor të mundshëm nga udhëtarët.
Sipas Jakarta Post, të paktën 150 kite janë përdorur shumë herë për testin e shpejtë të antigjenit, një rezultat negativ i të cilit e lejon udhëtarin që të niset, ashtu siç kërkohet nga masat qeveritare.
Skandali pritet që të ketë ndikim në perspektivën e një rimëkëmbjeje të turizmit, që është edhe një nga shtyllat e ekonomisë indoneziane.
Policia thotë se ky mashtrim sistematik nisi në muajin dhjetor në aeroportin e kryeqytetit të Sumatrës Perëndimore. Pasi udhëtarët shprehën pakënaqësi dhe ankesa të shumta në lidhje me bërjen e testeve, policia dërgoi javën e kaluar një agjent të fshehtë për t’iu nënshtruar testit, i cili rezultoi pozitiv. Pas kësaj, kolegët e tij hynë në laboratorin e testeve dhe zbuluan se kompletet po përdoreshin për të disatën herë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
