LIGJET E BIZNESIT
Valë arrestimesh në qytetin e Vlorës.
Mësohet se 5 roje bregdetare kanë rënë në pranga, në kuadër të operacionit të zhvilluar 5 muaj më parë ku u tentua të trafikohen drejt Italisë me gomone emigrantë nga vendet e treta.
Policia e Vlorës bën me dije se këta persona akuzohen për shpërdorim detyre pasi nuk kanë siguruar shoqërimin e të gjithë? personave të evakuuar gjatë operacionit.
NJOFTIMI ZYRTAR I POLICISE
Vijon operacioni për parandalimin dhe goditjen e tentativës për kontrabandim të migrantëve nga vendet e treta në drejtim të Italisë, i zhvilluar 4 muaj më parë.
Në kudër të këtij operacioni janë vënë në pranga, për veprën penale “Shpërdorim detyre”, kryer në bashkëpunim, 5 shtetas të shpallur në kërkim, me detyrë roje bregdetare.
Seksioni për Hetimin e Trafiqeve të Paligjshme dhe Narkotikëve në Drejtorinë? Vendore të Policisë? Vlorë, nën drejtimin e Prokurorisë? së Rrethit Gjyqësor Vlorë, pas një? pune intensive hetimore disamujore, në bazë të vendimeve të Gjykatës së Rrethit Gjyqësor Vlorë, e cila ka caktuar masën e sigurisë “Arrest në burg”, bënë ndalimin e shtetasve:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
B. B., 38 vjeç, banues në Vlorë.
R. C., 54 vjeç, banues në Vlorë.
B. M., 26 vjeç, banues në Vlorë.
S. B., 23 vjeç, banues në Vlorë.
A. A., 34 vjeç, banues në Vlorë.
Ndalimi i tyre u bë pasi këta shtetas, me detyrë roje bregdetare të Forcës Detare, gjatë operacionit për goditjen e tentativës për kontrabandim në drejtim të Italisë?, të migrantëve nga vendet e treta, në grykëderdhjen e Vjosës, dyshohen se gjatë evakuimit të personave në bordin e mjetit lundrues, kanë shpërdoruar detyrën, duke mos siguruar shoqërimin e të gjithë personave të evakuuar gjatë operacionit, konkretisht drejtuesin e mjetit lundrues (gomone), i cili ka mundur të largohej, shtetasin E. L.(A.), një ndër tre të arrestuarit nga Policia, në muajin janar.
Materialet në ngarkim të tyre i kaluan Prokurorisë? pranë? Gjykatës së Shkallës së Parë Vlorë, për veprime të mëtejshme.
