LIGJET E BIZNESIT
Në vendet e Ballkanit Perëndimor, periudha e pandemisë e nxiti më shumë përdorimin e drogës.
Ndërkohë masat kufizuese penguan përdoruesit e kokainës në Shqipëri që të merrnin trajtim në spital në këtë kohë.
Gjithashtu u vu re dhe mungesa e Metadonit, e cila përdoret si terapi për përdoruesit e drogës dhe lehtëson dhimbjet fizike.
Raporti vjen nga Qendra Europiane e Monitorimit për Drogat dhe Varësinë nga Drogat (EMCDDA), i cili ka vëzhguar ndikimin e C ovid-19 në përdorimin e drogave në Ballkanin Perëndimor. Në të evidentohet se gjatë periudhës pandemike numri i pacientëve që kërkuan trajtim në spitale pësoi rënie në Shqipëri, Bosnjë dhe Serbi.
I ftuar sot në “Wake Up” ishte shefi i Shërbimit të Toksikologjisë në QSUT, Andrin Tahiri. Ai theksoi se droga nuk zgjedh dhe se përdoruesit e saj janë të moshave të ndryshme dhe i përkasin nivelit të ndryshëm shoqëror.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Pacientët e kokainës janë pacientë, të cilët kanë buxhet. Droga nuk zgjedh. Droga mund të marrë, pa dashur të shprehen keq, që nga një ‘barbon rruge’, një endacak, deri te një njeri që mund ta quajë veten VIP, qoftë i lexuar, i formuar, me të ardhura.
Por, kokaina kërkon buxhet. Ndërsa, drogat e tjera, për shembull marijuana, trendin e ka pas në rritje, sepse është drogë më e lirë dhe është tek moshat e reja.
Përdoruesit e heroinës janë me lëvizje të vogla, plus-minus. Vetëm një rast fataliteti nga overdozat kemi pasur këtë periudhë. Mosha më e vogël e përdorimit të marijuanës është 14 vjeç”, tha ai.
