A do e njohë Greqia pavarësinë e Kosovës? Vuçiç i shqetësuar: Do i lutem mos e bëjë

Presidenti serb Aleksandër Vuçiç është shprehur se ka marrë informacione se Greqia po planifikon që të përmirësojë marrëdhëniet me Kosovën.

Gjithashtu ai shtoi se beson te miqësia e Beogradit me Athinën dhe shpreson që shteti fqinj nuk do ta njohë pavarësinë e Kosovës.

“Të premten, ne u informuam zyrtarisht se Greqia do të përmirësonte marrëdhëniet e saj me Prishtinën në një nivel më të lartë, drejtorë politikë, i cili është personi më i lartë i mundshëm në nivelin e një ministri”, tha Vuçiç.

Vuçiç tha se do t’i lutet Greqisë që njohja e pavarësisë së Kosovës të mos bëhet realitet.

I pyetur nëse ai ka marrë garanci se Greqia nuk do ta njohë Kosovën, Vuçiç tha se ka marrë garanci të tilla çdo ditë, por që faktet tregojnë se ata po e rrisin nivelin e marrëdhënieve të tyre me Kosovën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Në periudhën e ardhshme, unë pres më shumë vizita në Beograd dhe gjithçka që do të funksionojë do të jetë presion. Do të ketë gjithashtu përpjekje për ta siguruar pavarësinë e Kosovës përmes iniciativave rajonale. Ajo do të ofrojë disa zgjidhje që duken të mira në shikim të parë, por prapa kësaj është njohja de facto”, u shpreh presidenti serb Vuçiç.