Plas grushti në fushë/ Ja çfarë ndodhi mes futbollistëve gjatë ndeshjes, tmerrohen tifozët

Dhuna në fushën e futbollit nuk është një fenomen që ndodh vetëm në Shqipëri.

Pamjet e mëposhtme vinë nga një ndeshje e kategorive amatore në Spanjë.

Duket se tifozët janë të pranishëm pothuajse në të gjitha takimet  e niveleve amatore të futbollit dhe ndonjëherë e marrin dhe drejtësinë e ndeshjes në duart e tyre.

Një takim i zhvilluar në ligën e shtatë spanjolle, shfaqi një agresivitet të rrallë mes lojtarëve kundërshtarë dhe tifozëve që më pas u futën në fushë. Takimi mes CEM Bon Pastor dhe UD Carmelor përfundoi në kaos fundjavën që shkoi.

Skuadra mysafire ishte duke fituar 3-2, e sipas asaj që raporton Daily Star, mbrojtësi i Bon Pastor, Rodrigo Tejada mori një karton të kuq pas një akti të pakuptimtë agresiviteti.

Kjo gjë acaroi lojtarët kundërshtarë për atë ndërhyrje të Tejadas dhe më pas pasoi përplasja mes tyre. Gjërat u përshkallëzuan kur tifozët u futën në fushë dhe filluan të grushtonin lojtarët mysafirë.