Aksident në mes të Tiranës/ Makina merr para 4 persona, shoferja ikën nga vendi i ngjarjes

Një aksident i rëndë automobilistik është shënuar mbrëmjen e sotme në afërsi të Drejtorisë së Policisë, në rrugën Myslym Shyri.

Mësohet se një automjet tip “Smart” që drejtohej nga një vajzë ka marrë përpara 4 persona.

Sipas informacioneve, pas aksidentit shoferja është larguar me të shpejtë nga vendngjarja.

Të lënduarit janë jashtë rrezikut për jetën, ndërkohë që ambulanca ka shkuar në vendngjarje për t’i ofruar ndihmën mjekësore.

Edhe policia me grupin hetimor ndodhen aty për të bërë të mundur zbardhjen e shkaqeve dhe identifikimin e autores së këtij aksidenti.