LIGJET E BIZNESIT
Ministrja e Shëndetësisë, Ogerta Manastirliu ka njoftuar se ka nisur vaksinimi kundër Covid-19 edhe për personat të cilët kryejnë dializë, ata që kanë kryer transplantin dhe për ata me sëmundje kronike të riakutizuara.
Ministrja lajmin e bëri me dije nga Qendra Spitalore Universitare ku janë vaksinuar disa prej pacientëve. Midis të tjerash, ajo ka thënë se do të vaksinohen rreth 1 mijë e 200 dializantë, ndërkohë që vaksinimi për ta do të bëhet nëpër qendra ku kryhet ky shërbim.
Ministrja shton më tej duke thënë se ditën e sotme do të arrihet në 270 mijë vaksinime në të gjithë vendin.
“Po vijohet me vaksinimin masiv +60 vjeç. Jemi dedikuar grup moshave. Në varësi të planeve në njësit vendore të kujdesi shëndetësor. Me mbërritjen e vaksinave Pfizer kemi një vazhdimësi të mirë. Janë rreth 1200 dializantë që vaksinohen dhe po vaksinohen në të gjithë vendin. Kemi vendosur që vaksinimi i tyre të bëhet në qendrat e dializës dhe vaksinimin e të transplantuarëve. Apo individëve me sëmundje kronike të riakutizuara. Nevojitet rekomandimi i mjekut. Sipas grup moshës dhe grupeve të rriskuara. Janë të vaksinuar mjekët po përfundojmë me arsimtarët. Për efektivët e policisë dhe po vijojmë me vaksinimin e dializantëve apo atyre që kanë sëmundje kronike. Sot arrijmë mbi 270 mijë. Kemi vaksinuar mbi 190 mijë të moshuar me dozën e parë. Duam që të arrijmë vaksinimin e të gjithë popullatës brenda pranverës së vitit të ardhshëm.” tha ndër të tjera Manastirliu.
