I nxorën intervistën jashtë kontekstit, Yuri Kim: Nuk mbështesim asnjë parti! Jemi me qytetarët

Ambasadorja e Shteteve të Bashkuara të Amerikës në Tiranë Yuri Kim, ka reaguar në lidhje me lajmin e disa mediave shqiptare të cilët kanë publikuar një intervistë të sajën jashtë kontekstit, duke pretenduar se ajo mbështeste parti të veçanta në vendin tonë.Pas intervistës së një dite më parë me gazetarin Lutfi Dervishi, Kim ka reaguar duke sqaruar se Amerika nuk mbështet “asnjë parti të veçantë”.

Disa media shkruanin se ajo bënte thirrje që “qytetarët të votonin ndryshimin”; slogan i cili përkon me atë një parti në shqiptare.

“Unë shoh disa tituj keqinformues. Ju lutemi shikoni të gjithë intervistën. Shtetet e Bashkuara NUK mbështesin ndonjë kandidat ose parti të veçantë – Shtetet e Bashkuara mbështesin të drejtën e qytetarëve për të bërë të ditur vullnetin e tyre përmes votës së tyre. Shtetet e Bashkuara paralajmërojnë kundër atyre që e mohojnë këtë të drejtë duke blerë vota ose duke frikësuar votuesit”, sqaron diplomatja e SHBA.