Deputetja merr një litar dhe letër me postë/ Pensionisti i kthehet: Merre dhe var veten!

Një pensionist 83-vjeçar, i dërgoi një letër politikanes zvicerane, Christa Markwalder duke i kërkuar që të varë veten me një litar që kishte nisur bashke me letrën.

Në letër ai i sugjeron deputetes që të vetëvaret me litar. Përveç se bëhet fjalë për kërcënim të shëmtuar, zemërimi i plakut për politikanen Markwalder nuk ka bazë logjike. Ai mbështetet në një keqkuptim të pesnionistit. Christa Markwalder, u shpreh se ndihej e frikësuar pas kësaj letre pasi kohët e fundit janë shtuar shumë letrat kërcënuese që iu drejtohen politikanëve.

“Jam e frikesuar. Sigurisht që kjo gjë të lëndon,” shprehet ajo.

Pensionisti nisi të krenohej me atë që kishte bërë duke thënë se ai është tejet i zgjuar.

“Jam i kënaqur që çështja është bërë e njohur.Duhet të ketë më shumë njerëz si unë që qëndrojnë mbrapa veprës së tyre dhe nuk fshihen në anonimitet! Litari ishte vetëm një ofertë për zonjën Markwalder dhe në asnjë mënyrë nuk duhet të kuptohet si kërcënim,” tha pensionisti.

Ai shton se nuk besonte se politikanja do të përmbushte me të vërtetë kërkesën e tij.