LIGJET E BIZNESIT
Veprimi i një berberi në Spanjë ka prekur zemrat e shumë njerëzve. Në kohën që ai po priste flokët e kolegut të tij që po trajtohet me kimioterapi për shkak të kancerit, ai preu edhe flokët e veta për t’u solidarizuar.
Në videon e publikuar në rrjete sociale, berberi Joel Ortega dëgjohet duke i thënë kolegut të tij, Neftali Martin, “ti nuk je vetëm”.
Në një video tjetër të publikuar po në rrjete sociale, berberi i sëmurë tregoi se Ortega i ka thënë se do të vazhdojë që t’i presë flokët bashkë me të derisa ta përfundojë trajtimin mjekësor.
“Për mua, Joel nuk është thjesht një koleg pune, ai është vëlla”, shkroi Martin.
Tregohet se edhe katër berberë të tjerë i kanë rruar kokat për t’u solidarizuar kështu me kolegun.
