LIGJET E BIZNESIT
Ambasadori i Bashkimit Europian në Tiranë Luigi Soreca, ka bërë thirrje që të zbatohet ligji i dekriminalizimit, ndërsa partitë politike kanë dorëzuar pranë Komisionit Qëndror të Zgjedhjeve listat e tyre të kandidatëve.
Nëpërmjet një postimi në rrjete sociale, ambasadori thekson se KQZ dhe Prokuroria e Përgjithshme kanë radhën e tyre për të verifikuar të gjithë kandidatët.
Soreca apelon në zbatimin e ligjit të dekriminalizimit. Sipas tij edhe kandidatët duhet të plotësojnë kriteret.
“Partitë politike tani kanë prezantuar listat e tyre për zgjedhjet 25/4. Tani është KQZ në konsultim me zyrën e Prokurorisë së Përgjithshme, që do të verifikojnë kandidatët. Ligji i dekriminalizimit duhet të zbatohet plotësisht dhe duhet të plotësohen standardet e larta të integritetit për të gjithë kandidatët ”, shkruan Soreca.
