‘Tronditet’ Barcelona/ Policia mësyn në zyrat e ekipit, arrestohet ish-presidenti Bartomeu

Ekipi i Barcelonës nuk po gjen qetësi.

Klubi katalanas është tronditur sërish paraditen e sotme, pasi ish-presidenti Josep Maria Bartomeu është arrestuar në vijim të hetimeve të skandalit që mban emrin “Barca Gate”.

E gjitha u zbulua para një viti nga medias spanjolle, të cilat treguan se në listpagesat e klubit “blaugrana” ishte dhe një kompani e specializuar në rrjetet sociale.

Ajo paguhej nga klubi për të diskretituar në rrjet lojtarët e rëndësishëm të skuadrës si Messi, Xavi apo Pique, që ishin kundër linjës së drejtuesve.

Hetimet nisën menjëherë, ndërsa kur ka kaluar thuajse një vit, policia spanjolle zhvilloi mëngjesin e së hënës kontrolle në selinë e klubit të Barcelonës, ndërsa më pas në pranga është vënë ish-presidenti Bartomeu. Hetimi është drejt fundit, pasi policia ka sekuestruar prova të rëndësishme dhe sipas mediave spanjolle pritet të ketë të tjera arrestime.