Shqipëria nënshkruan marrëveshje bashkëpunimi me SHBA, Rama: Epoka e artë e gazit po shfaqet dhe tek ne

Shqipëria nënshkroi sot marrëveshjen e bashkëpunimin me SHBA për të futur në vend gazin e lëngshëm natyral (LNG) nga Amerika.

Një marrëveshje e tillë e shndërron TEC-in e Vlorës me LNG, duke ndërtuar një terminal të ri gazifikimi dhe shpërndarje të gazit të lëndshëm natyral ndërkohë që vetë qyteti bregdetar shndërrohet në HUB rajonal për gazin e lëngshëm.

Rama e cilësoi marrëveshjen si një epokë të artë gazi për vendin dhe Ballkanin.

“Kemi qenë me fat të kemi partnerët më të mirë të pajisur me pëvojën dhe ekspertizën më të mirë për të realizuar një projekt të kësaj përmase e të këtij kompleksiteti.

Zhvillimi i këtij projekti me lidertë tillë, dhe bashkëpunimi me SHBA për ta bërë këtë projekt realitet është hap i rëndësishëm për Shqipërinë dhe shqiptarët. Projekti i dytë madhor vetëm pak muajt e fundit mes Shqipërisë dhe SHBA. Pas atij për ndërtimin e hidrocentralit më të madh në 50 vite, që është diga e Skavicës.

Konvertimi i TEC-it të Vlorës nga nafta në gaz ësthë hap i jashtëzakonshëm. Kemi një shprehje, me dy gurë vrasim një zog. Dy projekte shumë të rëndësishme. Epoka e artë e gazit e parashikuar nga Agjencia, po shfaqet në Shqipëri. Mund të jetë veçanërisht e artë për Ballkanin”,- u shpreh ndër të tjera Rama.