Shisnin kokainë në karrocë invalidi/ Arrestohen dy vëllezërit shqiptarë

Dy vëllezër shqiptarë të arrestuar për tregtinë e kokainës u dënuan nga gjykata e Pavias.

Vëllezërit u arrestuan gjatë një operacioni të quajtur “Delivery boy”, i kryer në shkurt të vitit të kaluarr nga karabinierët në Pavia.

Ata kishin nisur një veprimtari të gjerë dhe të paligjshme në qendër të Pavia. Dënimi parashikon 3 vjet e 4 muaj burgim për O. D, 27-vjeç, dhe 2 vjet e 6 muaj burgim për F. D, 30-vjeç.

Ky i fundit, me aftësi të kufizuara për shkak të një dëmtimi, ishte duke shitur lëndë në një karrocë, ndërsa i vëllai përdori një biçikletë për të lëvizur shpejt. Në këtë mënyrë, ato nuk do të ngjallnin dyshime. Kërkimet nga policia çuan në zbulimin e 3,990 euro, para këto të fituara nga shitja e kokainës, si dhe dy telefona që u përdorën për kontakte me klientët.