Rikthehet emisioni “Të Paekspozuarit” nën moderimin e gazetarit Ylli Rakipi, ja ku mund ta ndiqni

Rikthehet emisioni “Të Paekspozuarit” nën moderimin e gazetarit Ylli Rakipi. Shikuesit mund ta ndjekin atë në ekranin e MCN TV.

“Të Paekspozuarit”, është një format televiziv që ka në fokus temat më të nxehta të aktualitetit politik si dhe gazetarinë investigative.

Në këtë emision, që nga viti 2015, janë trajtuar gjerësisht investigime që kanë të bëjnë me aferave korruptive të natyrave të ndryshme.

Mësohet se emisioni, do të vijojë me të njëjtin format, ndërsa do të shoqërohet me  intervista ekskluzive, analiza si dhe komente nga analistët dhe gazetarët më profesionistë në vend.

“Të Paekspozuarit” i gazetarit Ylli Rakipi do të transmetohet dy herë në javë, çdo të hënë dhe të enjte, në orën 20:45 minuta.

MCN TV mund të ndiqet në: Tokësor – kanali 38, Satelitor – kanali 48, në platformat Tibo, Albtv, Abcom, Ipko, në aplikacionin “KLANI IM”, si edhe në rrjetet sociale.