“Personalitet i jashtëzakonshëm” Meta mesazh ngushëllimi pas ndarjes nga jeta të kompozitorit Agim Krajka

Pas ndarjes nga jeta të kompozitorit të njohur shqiptar Agim Krajka, ka ardhur dhe reagimi i presidentit Ilir Meta.

Me anë të një mesazhi ngushëllimi, Kreu i Shtetit e cilëson Krajkën si një personalitet të jashtëzakonshëm të muzikës shqiptare, me një kontribut të vyer për dekada në transmetimin e vlerave më të spikatura shpirtërore të kulturës sonë te brezat e rinj, trashëgimia e Tij e pasur artistike do të nderohet dhe do jetojë përjetë”.
Kompozitori u nda nga jeta në moshën 83 vjeçare, më 1 mars.

REAGIMI I PLOTE I PRESIDENTIT ILIR META

Me hidhërim të thellë mora lajmin e trishtë për ndarjen nga jeta të kompozitorit tonë të shquar, Nderit të Kombit, Agim Krajka.

Personalitet i jashtëzakonshëm i muzikës shqiptare, me një kontribut të vyer për dekada në transmetimin e vlerave më të spikatura shpirtërore të kulturës sonë te brezat e rinj, trashëgimia e Tij e pasur artistike do të nderohet dhe do jetojë përjetë.

Duke u përulur me nderim e mirënjohje të thellë para veprës së Tij, u shpreh ngushëllimet më të ndjera familjes së dashur Krajka, kolegëve dhe të gjithë artdashësve shqiptare për këtë humbje të pazëvendësueshme, që na ka lënduar të gjithëve.

Lutemi, që shpirti i Tij të gjejë paqen e merituar!