Paralajmëroi mbledhjen e Komitetit të Ekspertëve, Silva Bino zbulon çfarë do të ndodhë

Të premten e kaluar, shefja e Departamentit të Sëmundjeve Infektive Silva Bino deklaroi se të hënën do të mblidhej Komiteti Teknik i Ekspertëve duke paralajmëruar kështu marrjen e masave shtrënguese për shkak të situatës nga pandemia.

Ndërkohë sot në një intervistë për ABC, Bino tha se mbledhja do të zhvillohet, por presin një thirrje nga kryetarja Mira Rakacolli e cila është njëkohësisht dhe zv.ministre e Shëndetësisë.

“Do mblidhemi, por duhet të pyesni kryetaren. Presim të na mbledhë kryetarja”, u shpreh Silva Bino.

Ajo nuk dha detaje për rekomandimin që ajo do të bëjë në mbledhjen e ekspertëve.

Kujtojmë se javën që lamë pas Komiteti vendosi të lërë të pandryshuara masat kufizuese duke lënë në fuqi orën policore nga ora 20:00 deri në 06:00 të mëngjesit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern