LIGJET E BIZNESIT
Kryeministri Edi Rama ka komentuar sherrin e paprecedentë që ndodhi në Elbasan Ditën e Verës pasi lideri i PD-së, Lulzim Basha dhe kryeministri Edi Rama vizituan qytetin në të njëjtën kohë.
Rama tha se dhuna në Elbasan është një “shfaqje rrugaçërie” dhe se është stimuluar nga Lulzim Basha. Po ashtu, personat e grumbulluar të dielën e 14 Marsit në Elbasan nga PD-ja, Rama i konsideroi si një grusht legenash.
“Rrugaçëria pjell rrugaçëri. Dhe tjetra, unë ata nuk i njoh fare dhe nuk e di kush janë. Ata për mua të gjithë janë njësoj që të gjithë, me një ndryshim, që një palë e ka sjellë atje lideri i PD-së dhe pjesa tjetër ka dalë nga turma dhe ka shkuar atje. Kam parë në shumë vende që partitë të kenë grupe njerëzish që të dalin e të gjuajnë me vezë, por vend që lideri të mbledhë një grusht legenash dhe me të aty të ndodhë kështu, nuk e kam parë unë këtë. Nëse këtë gjë duam ta karakterizojmë këtu ka vetëm dy karakteristika. Kjo në vetvete është një rrugaçëri. Ndërsa karakteristika tjetër ajo që është problem i madh këtu, nuk është ajo, është vetëm shfaqje e problemit. Problem është rrugaçëria e frymëzuar dhe atë e ka stimuluar Lulzim Basha”, tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
