Njohja e patentave në Itali, Xhaçka: Edhe Gjermania na ka dhënë dritën jeshile

Patentat e automjeteve të dhëna në Shqipëri do të njihen së shpejti edhe në Gjermani. Pritet të lidhet një marrëveshje e ngjashme ajo me Italinë.

Lajmin e njoftoi Ministrja për Evropën dhe Punët e Jashtme Olta Xhaçka. Teksa ishte e  ftuar në ABCNews, Xhaçka tha se është dhënë drita jeshile për një marrëveshje edhe nga Gjermania dhe se po negociohen disa teknikalitete.

“Sapo kemi marrë dritën jeshile. Do të negociojmë disa teknikalitete. Se çfarë po negociohet nuk di të them sepse negociatat po bëhen nga ministria e Transporteve.”

E pyetur se kur do të hyjë në fuqi marrëveshja e bërë me Italinë për patentat, ministrja shpjegoi se pala tjetër ka procedurat e veta, dhe se në 60 ditë do të njoftohen 20 rajonet e Italisë mbi teknikalitet e marrëveshjes.

“Pala tjetër ka procedurën e vetë për miratim apo ratifikim. Pala italiane duhet të njoftojë të 20 rajonet mbi teknikalitetet e marrëveshjes. Hyn në fuqi në Itali për të paktën 60 ditë.”