Ministri i njohur shqiptar “hakmerret” çuditshëm ndaj shoferit/ Ja gjesti që mori më qafë drejtuesin e mjetit

Ministri në detyrë i Punëve të Brendshme në Kosovë, Agim Veliu ka bërë një gjest sa qesharak aq edhe të çuditshëm.

Ai ka shkarkuar nga puna shoferin e tij personal. Referuar mediave kosovare, bëhet me dije se shkarkimi nga puna i shoferit Nuhi Imeri ka ardhur pasi delegatët e degës së LDK-së në Llap nuk votuan Lutfi Hazirin në zgjedhjet për kryetar partie, ashtu sikurse ishin udhëzuar nga ana e ministrit.

Nga gjithsej 29 anëtarë që ka patur kjo degë, 20 prej tyre kanë votuar Lumir Abdixhikun, i cili u zgjodh edhe si kryetari i ri i LDK-së.

Menjëherë pas këtyre zhvillimeve, Agim Veliu shkarkoi shoferin e tij me arsyetimin se ka lobuar pro Lumir Abdixhikut, në kundërshtim me udhëzimet që ai dha.