Mas*krohet familja/ Shërbëtori p*rdhunoi dhe goditi me thi*ë nënën, mbyt djalin 6-vjeçar 

Familja e një shefi hekurudhor rus besohet se u vra nga një shërbëtor, që përdhunoi e qëlloi me thikë nënën dhe më pas mbyti djalin e saj 6-vjeçar.

‘The Sun’ shkruan se Sergey Malakhov, 44 vjeç ndodhej në një udhëtim pune kur të katërt familjarët u vranë pranë Nizhny Novgorodg.

Gruaja Elena, 41 vjeç, dyshohet se u përdhunua dhe më pas u godit me thikë për vdekje, ndërkohë djali gjashtë vjeç i çiftit, Mikhail, u mbyt nga agresori.

Edhe nëna e shefit të hekurudhës Olga Malakhova, 66 vjeç, dhe vjehrri Anatoli Korolyov, 63 vjeç u vranë po ashtu në të njëjtën mënyrë mizore. Thuhet se familja pasi u vra edhe u grabit nga autori.

Skena tronditëse u zbulua nga një fqinj aty pranë, i cili u dërgua në shtëpi nga Z. Malakhov pasi asnjë nga anëtarët  e familjes nuk po ia hapte telefonin.

Mediat ruse kanë publikuar fotot e të dyshuarit kryesor Sharofiddin Amirov, 26 vjeç që u arrestua me dy bashkëpunëtorët e tij. Thuhet se Amirov, që punonte si shërbëtor në familje, ka pasur mosmarrëveshje rreth pagës së tij. Nëse ai shpallet fajtor, do të dënohet me burgim të përjetshëm.