Konsiderohet mit i gjysheve tona, ja kur është koha më e mirë për të prerë flokët

Hëna ka një forcë të padiskutueshme në jetën e njeriut. Kjo është arsyeja që për shumë shekuj me radhë njerëzit janë bazuar në ciklin e saj kur merreshin me bujqësinë, si për shembull gjatë fazave të mbjelljes dhe vjeljes. Sipas gojëdhënave të gjysheve tona, hëna ndikon bukurinë e femrës, më konkretisht në shëndetin e flokëve. Cilat janë momentet më të mira për të prerë flokët ?

Para së gjithash duhet të dini që ato duhen prerë 1-2 cm çdo muaj që të eliminohen majat dyshe, flokët e thatë dhe të djegur. Flokët janë njëlloj si bimët, nëse hiqni pjesën e dëmtuar rriten më shëndetshëm dhe të fortë. Momenti më i mirë për të prerë flokët është gjatë hënës së plotë që përkon me ekuinoksin dhe solsticin e hënës, ose siç thonë të vjetrit kur është duke u mbushur. Gjatë këtyre dy fazave Hëna hyn në konen e rrezeve të Tokës. Prandaj nëse doni që flokët të rriten më shpejt, të jenë më të butë e plot shkëlqim zgjidhni këtë moment të saj.

Nëse doni që ngjyra e flokëve të zgjasë në kohë, lyejini ato gjatë gjysmë hënës sidomos gjatë paradites dhe pasdites. Mund të tingëllojë e pabesueshme, por gjatë Hënës së re këshillohet po ashtu të depiloheni.