Kategoria e njerëzve që mund të ketë nevojë për dozën e tretë të vaksinës anti-C*vid

Specialistët e shëndetit së fundmi kanë kryer një studim sipas të cilit, personat që janë mbipeshë prodhojnë rreth gjysmën e antitrupave që prodhojnë personat me peshë normale pasi marrin vaksinën e Pfizer kundër Covid-19.

Edhe pse është ende herët për të dalë në një konkluzion në lidhje me efektivitetin e vaksinës tek njerëzit mbipeshë, me siguri kjo do të thotë që njerëzit obezë mund të kenë nevojë për një dozë të tretë për t’u siguruar që ata kanë mbrojtje të përshtatshme kundër Covid-19.

Sipas British Guardian studimet e mëparshme kanë treguar se mbipesha rrit ndjeshëm rrezikun e vdekjes nga Covid-19 me gati 50% , dhe po ashtu edhe rrezikun pas infektimit të shtrimit në spital me 113%.

Kjo për shkak të faktit që njerëzit obezë shpesh herë kanë sëmundje të tjera shoqëruese,  si sëmundje të zemrës ose diabet tip 2.

Mbipesha mund të shkaktojë ndryshime të shumta metabolike, si inflamacion dhe rezistencë ndaj insulinës, që e bëjnë më të vështirë për trupin të luftojë koronavirusin.

“Meqenëse mbipesha është një faktor serioz rreziku për sëmundshmërinë dhe vdekshmërinë në pacientët me Covid-19. Është e nevojshme të hartohet një program efektiv i vaksinimit për këtë nëngrup. Megjithëse nevojiten studime të mëtejshme, këto të dhëna të para mund të kenë implikime të rëndësishme për zhvillimin e strategjive të vaksinimit për Covid-19, veçanërisht tek njerëzit mbipeshë. Nëse të dhënat tona konfirmohen nga studime më të mëdha, dhënia e një doze shtesë tek njerëzit obezë, është një ndër opsionet për t’u vlerësuar”, thonë studiuesit.