“I dashur zoti Biden”/ 9-vjeçari i shkruan letër Presidentit të Amerikës, ja çfarë kërkon ai

9-vjeçari nga Kosova me emrin Diell Sadriu i ka shkruar një letër Presidentit të Shteteve të Bashkuara të Amerikës, Joe Biden, ku i kërkon mbështetjen e tij për të mësuar më shumë në shkollë rreth Amerikës.

Teksa respekton të gjitha rregullat e mirësjelljes, nxënësi në klasë të tretë tregon se ai dëshiron të dijë më shumë rreth historisë, sportit, apo edhe trashëgimisë amerikane.

“I dashur Z. Biden,

Shpresoj se jeni mirë dhe keni pasur një fillim të mirë në Shtëpinë e Bardhë.
Emri im është Diell Sadriu, jam nga Kosova, Prishtina. Jam 9 vjeç dhe jam në klasën e tretë në British School of Kosova.

Po ju shkruaj për të ju kërkuar me mirësi mbështetje: Në shkollën tonë ne mësojmë lëndë të ndryshme, por mësojmë shumë pak për SHBA-në. Për shembull: historinë amerikane, sportin, trashëgiminë amerikane, etj.

Pres të marr përgjigje nga ju së shpejti, me urimet më të mira, Diell Sadriu“, shkruan ai.

Lajmin e ka bërë publik Ambasadorja e Kosovës në SHBA, Vlora Çitaku.

“Një nxënës i klasës së tretë, nëntë vjeç nga Kosova i shkruan një letër presidentit të SHBA-së, Joe Biden duke kërkuar mbështetjen e tij, sepse ai do të donte të mësonte më shumë rreth SHBA-së në shkollë. Nuk ka asgjë më të lezetshme sesa kjo”, shkruan Çitaku.