LIGJET E BIZNESIT
Një amerikane 35-vjeçare që jeton dhe ka biznes të jogës në Tiranë, është ndier aq e fyer dhe e bezdisur nga një shtetas kinezo-kanadez. Amerikania me inicialet R. B, me profesion menaxhere u paraqit në policinë qendrore pas një incidenti të ndodhur në biznesin e saj, palestër Joga.
“Flakën” për grindjen e tyre e ka ndezur një shqiptar që nxiti sherr në brendësi të ambienteve. Por më pas dy të huajt e kanë vijuar sherrin, për të drejta të padëgjuara, njëri kërkonte dëmshpërblim duke akuzuar se përse biznesmeni nuk i garantoi qetësi dhe tjetri (amerikania), u fye kur ai e quajti “k.. amerikane e shëndoshtë”.
“Në palestër vijnë shumë shtetas shqiptarë dhe të huaj dhe mësimet që ofrohen janë në gjuhën angleze dhe në shqip. Në lidhje me paraqitjen time sot, në ambientet e studios sime, ndodhi një debat verbal midis dy klientëve të mi. Shtetasi A. B që është shqiptar dhe shtetasi kinezo-kanadez H. P, të cilët u grindën befas por që më pas debate u mbyll aty për aty”.
Amerikania tregon se disa ditë më vonë, të dy këta shtetas u grindën sërish.
Në ditët në vazhdim, amerikania është ndeshur me kërkesa të tjera nga kinezo-kanadezit.
“Më kërkoi kthimin e lekëve të kursit që i kishte paguar. Ja ktheva vlerën e lekëve që ai kishte paguar. Gjithashtu iu bëra me dije të dy shtetasve përmes e-mailit se sapo i kisha shpallur klientë të padëshiruar në biznes dhe ju ndalohej që të frekuentonin këto ambiente. Edhe pse kjo gjë iu bë e ditur të dyja palëve, kinezo-kanadezi i shpallur i padëshiruar përsëri shkruante në e-mailin tonë. Ai kërcënonte se studio ishte përgjegjëse për situatën dhe më tej filloi të kërcënojë. Ai shkroi për mua – mos më dil përpara dhe fillon më shan…, shkruan k…. amerikane e shëndoshë”.
Policia është vënë në kërkim të shqiptarit dhe kinezo-kanadezit, të shpallur non grata nga një amerikane të Tiranë, e cila ka vendosur t’u tregojë dy burrave se gjithçka e ka një kufi.
