“Jam kushëri me Edi Ramën” Vlonjati ‘shpërthen’ para Bashës: Na mori pronat, më hoqi nga puna mua dhe familjen

Kryetari i Partisë Demokratike Lulzim Basha ka shkuar sot për vizitë në Vlorë.

Aty është ndeshur me indinjatën e një qytetari, i cili ka nisur të ankohet pasi tha se ishte kushëri me kryeministrin Edi Rama.

“O vlla të uroj shëndet, ne do fitojmë. Unë jam kushëriri i Edi Ramës, më maskarai që ka Shqipëria. Na mori pronat, më hoqi nga puna mua, familjen time, ia dha oligarkëve të tij.

O Lulzim nuk të gënjen vllai. Më pruri forcat sikur isha më krimineli i Shqipërisë. Asnjë nga fisi nuk e voton më Edi Ramën. Nga të gjithë fisi i mamasë sime, asnjëri.

Nëna ime dhe nëna e tij kushërira, mua të parin ma prishi. As nuk kam vjedhur, as jam marrë me drogë, as nuk jam marrë me asgjë”, tha qytetari.

Basha iu përgjigj se “familja e tij janë oligarkët, familja ime jeni ju”.