LIGJET E BIZNESIT
Shënohet rasti i parë i komplikacioneve të shkaktuara nga vaksina anti-COVID e kompanisë “Pfizer”. Muhamet Lleshi i cili punon infermier në qytetin e Hasit, ndodhet në spital vetëm disa ditë pasi mori dozën e dytë të vaksinës.
Bëhet me dije se Lleshi ka qenë një prej të injektuarve të parë menjëherë pas nisjes së fushatës nga Ministria e Shëndetësisë në qarkun e Shkodrës. Por pasi kanë kaluar dy javë nga doza e parë, ai është injektuar me të dytën duke u shënuar në këtë mënyrë edhe problemet e para.
Infermieri shfaqi probleme me enjten dhe fryrjen abdominale. Ishin të afërmit ato që e dërguan me urgjencë për mjekim drejt spitalit.
Pas analizave të bëra, ka rezultuar se treguesi për mpiksjen e gjakut është 4 herë më i lartë nga norma miniale. Ndërsa vetë Lleshi u shpreh se dhimbjet i kanë nisur vetëm 40 minuta pasi mori vaksinën.
Por kolegët e tij në Has kanë dhënë një version tjetër lidhur me problemet shëndetësore që hasi infermieri. Ato thonë se infermieri ka pasur probleme të hershme me këtë patologji duke ngulur këmbë që përkeqësimi i gjendjes shëndetësore nuk ka ardhur për shkak të vaksinës antiCovid.
Në lidhje me ngjarjen nuk ka ende një reagim zyrtar nga autoritetet shëndetësore.
