Historia e ish-mësuesit hero/ Zgjodhi të braktisë qytetin për të dhënë kontribut në fshat

Personi që shikoni më poshtë është Nikollë Balozi. Ai ka lënë Laçin për të jetuar në fshatin e lindjes, në Gallatë të Kurbinit. Profesioni i tij ka qenë mësues. Pasi doli në pension vendosi që të lërë qytetin, duke qenë se i njeh më së miri vlerat që ka fshati.

“Ishte vullneti I imi dhe dëshirë e imja. Për tju larguar një ambient që të rrish gjithë ditën në kafene. Sepse çdo sjellë? Vetëm humbje vetëm minuse ke, që nga ana shëndetësore dhe në pikëpamjen ekonomike. I largohesh së keqes!”, thotë ai.

Megjithëse në Gallatë nuk ka investime, ai përpiqet të vazhdojë punën e tij duke edukuar banorët e zonës nëpërmjet shembullit personal që  të mos e braktisin fshatin.

“I jam përkushtuar një program pune. Dhe profili që kam pasur ka qenë biokimi. Pse mos e shfrytëzoj. Merrem duke filluar që nga bleta, hardhia, pularia dhe të tjera me radhë.  Këtu është mirë që gjithësecili të shfrytëzojë terrenin, të shfrytëzojë kushtet dhe mundësitë kur i ka. Punohet kudo që të jesh si në qytet ashtu dhe në fshat”, shpjegon ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern