Greqia merr vendimin për të hequr kufizimet për fluturimet nga Shqipëria, Turqia dhe Maqedonia 

Greqia ka marrë vendimin të heqë kufizimet për fluturimet nga Shqipëria, Turqia dhe Maqedonia e Veriut. Autoriteti grek i aviacionit civil bën me dije se të gjithë udhëtarët që mbërrijnë në vendin fqinj duhet të tregojnë përgjigjen e testit negativ për Covid-19, brenda 72 orëve të fundit.

Autoriteti i Aviacionit Civil grek vendosi po ashtu të rrisë kufirin e lejuar për vizitorët nga Rusia, nga 500 në javë që ishte më parë, në 4,000, për aeroportet e Athinës, Selanikut dhe Heraklion në Kretë.

Pasagjerët nga Emiratet e Bashkuara Arabe dhe Britania do t’i nënshtrohen një testi të shpejtë të detyrueshëm Covid-19 pas mbërritjes në Greqi.

Personat nga Britania do t’i nënshtrohen karantinës 7 ditore, dhe nëse rezultojnë pozitivë, karantina zgjatet në 14 ditë.