E rëndë/ Gjendet pa ndjenja një person në tokë, humb jetën rrugës për në spital. Dyshimet e para

Një ngjarje e rëndë ka ndodhur sot në Durrës.

Bëhet fjalë për një 68-vjeçar që është gjetur pa ndjenja shtrirë në tokë.

Më pas shtetasi i identifikuar me inicialet S.P, rreth 68 vjeç, gjatë transportimit për në spital ka ndërruar jetë. Nga hetimet paraprake dyshohet se ky shtetas ka ndërruar jetë si pasojë e një arresti kardiak.

Policia ka mbërritur në vendngjarje dhe po punon për zbardhjen e plotë të rrethanave të aksidentit.

“Më datë 16.03.2021, në orën 11:50, në lagjen nr. 16, Durrës, nga punonjësit e urgjencës së Spitalit Rajonal Durrës është marrë në rrugë, pa ndjenja, shtetasi S. P., rreth 68 vjeç, i cili gjatë transportimit për në spital ka ndërruar jetë. Nga hetimet paraprake dyshohet se ky shtetas ka ndërruar jetë si pasojë e një arresti kardiak. Grupi hetimor po punon për zbardhjen e rrethanave të ngjarjes,” njofton policia.