Banorët e Zall-Gjocaj kanë kallëzuar në SPAK ministrin e Turizmit dhe Mjedisit, Blendi Klosi. Ato e akuzojnë  ministrin për shpërdorim detyre. Lajmi është bërë publik nga vetë banorët nëpërmjet një postimi në rrjetet sociale.

Sipas tyre, Klosi, u ka dhënë fuqi ligjore dokumentave të cilat bazohen në të dhëna të rreme, fiktive si dhe të fabrikuara duke favorizuar ndërtimin e hidrocentraleve në Parkun Kombëtar Lurë-Mali i Dejës.

Sipas tyre, situata në këtë vend është alarmante. Kjo, pasi parku është dëmtuar rëndë dhe shumë objekte të fshatit janë tejet të shkatërruara.

Gjithashtu, në SPAK është akuzuar për shpërdorim detyre edhe Zamir Dedej – Drejtues i Drejtorisë së Menaxhimit, Projekteve dhe Monitorimit, në AKZM.

Postimi i plotë:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Blendi Klosi, Ministër i Turizmit dhe Mjedisit, i kallëzuar në SPAK nga banorët e Zall-Gjocaj për shpërdorim të detyrës.

? Blendi Klosi, u ka dhënë fuqi ligjore dokumentave që bazohen në të dhëna të rreme, fiktive dhe të fabrikuara duke favorizuar ndërtimin e HEC-eve në Parkun Kombëtar Lurë-Mali i Dejës.

? Ministri i Mjedisit, Blendi Klosi dhe vartësit e tij, në aktet e tyre shprehen se parku nuk do të ketë asnjë pasojë dhe dëmtim nga punimet dhe ndërtimi i HEC-it dhe se banorët nuk do të kenë asnjë pasojë sa i përket furnizimit me ujë të pijshëm për vete dhe bagëtinë, për bujqësinë apo çdo nevojë tjetër të tyre jetësore.

⛔ Siç mund të dallohet qartë nga pamjet, situata në terren është krejtësisht ndryshe! Parku është dëmtuar rëndë dhe po vijon të dëmtohet! Objekte të fshatit janë shkatërruar plotësisht, furnizimi me ujë po ndërpritet! Ndër këto, po dhunohen edhe varret shekullore të fshatit, për shkak të përdorimit të lëndëve plasëse.