Tërhoqi qenin zvarrë me motor derisa ngordhi, ja ç’ndodhi me 64-vjeçarin

Policia e shtetit ka reaguar pas një fotoje të publikuar në rrjetet sociale ku një qen ishte lidhur pas një motori dhe më pas tërhiqej zvarrë.

Poicia ka shoqëruar në komisariat shtetasin me inicialet F. H., 64 vjeç, banues në Zhamë, Lushnjë.

Ai është proceduar penalisht për veprën penale “Keqtrajtimi i kafshëve”.

“Duke marrë shkas nga një foto e publikuar në rrjetet sociale, ku një kafshë shtëpiake (qen), kishte ngordhur pasi pronari i tij e kishte tërhequr zvarrë me motor në aksin rrugor Çermë-Lushnjë, ju sqarojmë se:  Specialistët për Hetimin e Krimeve në Komisariatin e Policisë Lushnjë, menjëherë identifikuan dhe shoqëruan në ambientet e Policisë, bashkë me motomjetin e tij me targa LU199A, shtetasin F. H., 64 vjeç, banues në Zhamë, Lushnjë.” – njofton policia.

Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme.