Tentuan ta ekzekutonin në Shkodër/ Ja kush është 30-vjeçari i arrestuar për plagosje

Persona të paidentifikuar ende hapën zjarr ndaj 30-vjeçarit të quajtur Taulant Pepaj, i cili rezulton person me precedent penal.

Ai u qëllua ditën e sotme me armë zjarri teksa po qarkullonte me makinë në lagjen “Skënderbeg” të Shkodrës, ndërsa me makinë ishin po ashtu edhe autorët.

Rezulton se Pepaj është arrestuar në vitin 2017 në qytetin e Shkodrës, pasi po në atë vit, në lagjen “Bahçallëk” kishte plagosur me armë zjarri 22-vjeçarin me inicialet R. Th.

Është ende e paqartë se si Pepaj ka arritur të fitojë lirinë pasi u arrestua për “plagosje të rëndë me dashje”.

Njoftim paraprak nga Policia:

Më datë 21.02.2021, rreth orës 11:50, në lagjen “Skenderbeg”, Shkodër, në afërsi të një pike karburanti, është qëlluar me armë zjarri në drejtim të automjetit që drejtohej nga shtetasi T. P. 30 vjeç , banues në lagjen “Skenderbeg”, Shkodër. Nga të shtënat nuk ka asnjë preson të lënduar.

Menjëherë në vendngjarje kanë shkuar shërbimet e Policisë të DVP Shkodër dhe FNSh Shkodër ku janë vënë në ndjekje të autorëve. Njëkohësisht janë ngritur pika kontrolli në të gjitha hyrje-daljet e qytetit dhe vijon krehja e zonës për kapjen e autorëve të dyshuar.

Në vendngjarje ndodhet grupi hetimor dhe nën drejtimin e Prokurorisë së Rrethit Gjyqësor Shkodër po vijon veprimet për sqarimin e rrethanave të kësaj ngjarje, sekuestrimin e çdo prove që do shërbejë për identifikimin e autorëve