“Të mbyllen shkollat e lokalet” Mjeku i njohur ngre alarmin: Situata nga pandemia është kritike

Pas situatës së pandemisë në vend me shifra të larta të infektuarish, ka ardhur dhe reagimi i bluzave të bardha.

Mjeku i njohur Arben Pilaca është shprehur i shqetësuar në lidhje me këtë gjendje.

Ai bën thirrje që të mbyllen shkollat që nesër, gjithashtu dhe transporti publik apo aktivitetet jo thelbësore, për të bërë të mundur parandalimin e C OVID19.

“Situata që po kalojmë është me të vërtetë kritike, unë do të thoja që nëse ne do i japim avantazh virusit ai vetëm do të na sfidojë dhe do ta fitojë ai betejën. Mekanizmi më i fortë që mund ta frenojmë pandeminë është lufta në terren jashtëspitalore. Gjurmimi, izolimi nuk mjafton, duhet të parandalojmë transmetimin sa të mundim.

Modeli ynë në fazën e dytë i ngjan Suedisë, e cila dështoi. Mendoj që masat shtrënguese janë të vonuara. Unë jam për ndërhyrje të forta, që kur e kishim kurbën më të ulët. Nuk them për gjoba e orare të kufizuara. Që nesër padiskutim të mbyllen shkollat e lokalet dhe aktivitetet që nuk janë jetësore, janë shumë gjëra që na jep ndjesia profesionale, kafet, restorantet dhe transporti publik të mbyllet që nesër”, tha Pilaca.