Rekord të infektuarish me Co*id në vend/  1124 raste të reja dhe 14 viktima

Dita e sotme ka shënuar rekord të infektuarish me Covid-19 në vendin tonë. Në njoftimin e publikuar nga Ministria e Shëndetësisë raportohen 1124 raste të reja nga 4254 testime të kryera në 24 orët e fundit, duke shënuar në këtë mënyrë shifrën më të lartë të të infektuarve që nga nisja e pandemisë. Betejën me COVID e kanë humbur 14 qytetarë.

“Me gjithë përpjekjet e stafit mjekësor, 14 qytetarë e kanë humbur betejën me COVID19 në spitalet COVID. 6 qytetar nga Tirana, 2 qytetar nga Durrësi, 1 qytetar nga Berati, 1 qytetar nga Skrapari, 1 qytetar nga Kurbini, 1 qytetar nga Kukësi, 1 qytetar nga Kavaja, 1 qytetar nga Elbasani, të moshave 35 -86 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”, njofton ministria.

Në 24 orët e fundit janë shëruar 569 qytetarë, duke e çuar numrin e të shëruarve 51,444 që nga fillimi i epidemisë. Aktualisht në 4 spitalet COVID, ministria thotë se po trajtohen 437 pacientë, 31 në terapi intensive nga të cilët 12 pacientë janë të intubuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern