Puthi kalimtaren në vend që ta dënonte për shkelje të orës policore, policit i ndodh e papritura 

Një polic në Peru është hequr nga puna pasi u kap duke puthur një grua të re, të cilën duhej ta kishte dënuar për shkelje të orës policore në pandemi.

Pamjet e një kamere sigurie tregojnë se polici po puthet me gruan pasi duket se ajo mundohet që ta bindë zyrtarin që të mos e ndëshkojë në këmbim të puthjes.

Sipas mediave të huaja polici, ende i paidentifikuar është pezulluar nga detyra dhe po zhvillohen hetime në lidhje me këtë rast.

Ibero Rodriguez, zyrtar për sigurinë e qytetarëve, tha: “Kryetari ynë, Luis Molina, e ka marrë vendimin për ta pezulluar menjëherë këtë polic. Ekzistojnë disa shkelje. Gruaja e re nuk e respekton distancën sociale dhe ai e lejon këtë gjë. Më pas, ai e heq maskën dhe ia jep një puthje. Ky veprim është shumë serioz në vete dhe për këtë arsye ai është pezulluar”.